எட்டாம் வகுப்பு பொதுத் தேர்வு: தேர்வுக்கூட அனுமதிச் சீட்டை இன்று பதிவிறக்கம் செய்யலாம்

எட்டாம் வகுப்பு பொதுத் தேர்வு எழுத விண்ணப்பித்த தேர்வர்கள் தங்களுடைய தேர்வுக்கூட அனுமதிச் சீட்டை வியாழக்கிழமை (செப்.19) முதல் பதிவிறக்கம் செய்யலாம் என அரசுத் தேர்வுகள் இயக்ககம் அறிவித்துள்ளது.

தேர்வர்கள் தங்களது விண்ணப்ப எண், பிறந்த தேதியைப் பதிவு செய்து அரசுத் தேர்வுகள் இயக்ககத்தின் http://tndge.in/ என்ற இணையதளத்தில் இருந்து தேர்வுக்கூட அனுமதிச் சீட்டைப் பதிவிறக்கம் செய்து கொள்ளலாம்.

தேர்வுக்கூட அனுமதிச் சீட்டில்லாமல் எந்தவொரு தேர்வரும் தேர்வு எழுத அனுமதிக்கப்பட மாட்டார்கள் என அறிவிக்கப்பட்டுள்ளது.